Саҥа үүнэр 2025 сылы хайдах көрсөбүт?

Илиҥҥи халандаарынан 2025 сыл – от күөх мас моҕойун сыла буолар. Астрологтар этэллэринэн бу сыл үгүс элбэх уларыйыылары аҕалыан сөп. Кэлэр сыл барыта этэҥҥэ буоларын курдук саҥа дьылбытын хайдах дьаһанан көрсөбүт?

Моҕойу, илиҥҥи дойду култууратыгар олус муударайын, оҕуруктаах өйдөөҕүн, тулуурдааҕын сыаналаан талисман оҥостоллор. Онтон аан дойду уус уран айымньыларыгар моҕой сөптөөх суолу ыйааччынан, үтүө сүбэһит быһыытынан көстөр. Итинтэн сиэттэрэн этэр эбит буоллахха бу кэлэр сылга аа-дьуо барытын ырыҥалаан, быһаарыныыны тиэтэйбэккэ толкуйдаан ылынар ордук диэн астрологтар сүбэлииллэр.

Моҕойу кыыһыртахха, куттаатахха сүлүһүннээх дьааттаах тииһинэн түһэрэ мөккүөрэ суох. Эрээри быйылгы сыл хаһаайката от күөх дьүһүннээх мас олохтооҕо буолар. От күөх дьүһүн нус-хас, уйгу-быйаҥ, үүнү-сайдыы бэлиэтэ буолар.

Алаһа дьиэбит дьолунан туоларын туһугар хайдах киэргэтэбит?

Бастатан туран ааспыт сыллар бэлиэлэрин хомуйабыт. Моҕой күнүүһүт айылгылаах буолан тиэрэ хаһыйыан сөп. Дьиэбитин араас от күөх үүнээйинэн киэргэтэбит. Илиҥҥилии бонсай мас, суккулент үүнээйи, норуокка биллэринэн “денежнай”, “долларовай” сибэккилэр буолуохтарын сөп. Фэн-шуй үөрэҕэ этэринэн дьиэбит соҕуруулуу-илин хайысхатыгар бытархай харчыны уурдахпытына уйгуну-быйаҥы аҕалар. Уонна биллэн турар, моҕой ойуулаах сувенирдар, халандаар уо.д.а. дьиэ киэргэлэ уруйданар.

Тугу кэтэбит?

Моҕой кэрэ дьүһүннээх харамай. Ол иһин саҥа дьылы көрсөр түүн бэйэ бодотугар барсар, күннээҕи уобарастан арыый да тахсан тупсаҕай көстүүлээх буоларга дьулуһуохтаахпыт. Бу сылы көрсөргө араас кылабачыгас дьүһүннээх моҕой тириитигэр маарынныр былааччыйа, моҕой дьүһүннээх киэргэл кэтэн көрүстэхпитинэ сыл хаһаайката бэттэх көрөн мичик кынан дьолу тосхойуо. От күөх, сиэрэй, бороҥ, маҥан уо.д.а. нус-хас дьүһүннэри таларга сүбэлииллэр. Онтон кыһыл өҥтөн туттунар ордук. Үрүҥ көмүс уонна натуральнай таастартан оҥоһуллубут киэргэллэр хайаатар да саҥа дьыллааҕы уобараһы тупсаран биэриэхтэрэ. Онтон эр дьоҥҥо дизанердар сиэрэй дьүһүннээх көстүүм кэтэргэ сүбэлииллэр.

Остуолбутун хайдах тардабыт?

Бырааһынньыктааҕы остуол бэйэтин тула дьиэ кэргэни мунньар алаһабыт ытык миэстэтэ буолар. Ыал ийэтэ дууһатын ууран туран астаабыт аһа иҥэмтэлээх, минньигэс, ыалдьыбыты да атаҕар туруорар аптаах күүстээх. Остуол киэргэтиитигэр эмиэ от күөх, үрүҥ көмүс элегантнай өҥнөр баһыйаллара ордук. Бүлүүдэлэртэн илиҥҥилии араас тумалаах оҕуруот аһыттан салаттар, куурусса этэ элбэҕэ биһирэнэр. Онтон биһиги саха омук буоларбыт быһыытынан төрүт аспыт-үөлбүт бырааһынньыктааҕы остуол сүрүн бүлүүдэлэрэ буолаллар. Бу сырыыга эт аһылыктары элбэх от күөх оҕуруот аһынан киэргэтиэххэ сөп.

Тугу бэлэхтиибит?

2025 сылы көрсө чугас дьоммутугар араас ювелирнай киэргэллэри бэлэхтиир оруннаах. Оҕолорго минньигэс бэлэҕи кытары сахалыы харысхал, илиинэн оҥоһуллубут мээккэй оонньуур. Духи уонна косметика бэлэх уунартан туттунар ордук. Ол оннугар сүргэни көтөҕөр сынньалаҥҥа, холобур тыйаатырга, кэнсиэркэ билиэт, путевка уо.д.а. олус бэртээхэй бэлэх буолуо.

Бу сылтан тугу күүтэбит?

Астрологтар этэллэринэн бу сыл аан дойдуга да, биирдиилээн да дьон олоҕор үгүс уларыйыылары аҕалыаҕа. Онтон мөкү ду, үтүө ду өттүгэр буолара бэйэбититтэн тутулуктаах. Дьылҕа имнэнэр кэмнэрин сөпкө таба тайаннахпытына дьыалабыт-куолубут табыллар. Онтон барытыгар ээл-дээл сыһыаннастахпытына үгүһү куоттарыахпытын сөп. Моҕой курдук тулуурдаахтык көһүтэн сөптөөх кэмигэр хамсаныах тустаахпыт. Туһулаах сыл бастакы уонна үһүс кэрдииһигэр өрөйөн-чөрөйөн сылдьыахтаахпыт. Бу сыл ыал буолууга, оҕо төрүүрүгэр, саҥа дьиэҕэ көһөргө, үлэни уларытарга табыгастаах дьыл.

Саха дьонун сиэринэн саҥа дьылы аал уоту оттон, арыылаах алаадьынан күндүлээн туох баар бары үтүө санаабытын Айыыларга тиэртэхпитинэ сылбытын этэҥҥэ туоруохпут, баҕарар баҕа санаабыт барыта туолуо. Хас биирдии алаһа дьиэҕэ или-тапталы, уйгуну-быйаҥы! Хас биирдиигит саҥа сылы көрсө толкуйдаабыккыт тобулуннун, санаабыккыт сатанан истин!

Читай Кино!

Проект киностудии «Сахафильм» и Национальной библиотеки Словно современные олонхосуты, якутские режиссеры продолжают через призму искусства погружать мир в философию снежной Якутии: близости к природе, созерцательности.

У вас есть уникальная возможность бесплатно посмотреть фильмы и прочитать книги до 30 декабря 2024 года. Не упустите свой шанс насладиться просмотром и чтением до конца года!

IX ВСЕРОССИЙСКИЙ ТЕСТ НА ЗНАНИЕ
КОНСТИТУЦИИ РФ

нажми

МЕДИА-УРОК

🔰🔰🔰 РСФСР үтүөлээх юриһа, норуодунай судьуйа МИХАИЛ МИХАЙЛОВИЧ СОТНИКОВ төрөөбүтэ 100 сылыгар анаммыт
"ЫТЫК КИҺИ ОЛОҔУН СЭҺЭНЭ" МЕДИА-УРУОГУ бу хаартысканы баттаан киирэн көрүҥ .

Нөөрүктээйи нэһилиэгин олоҥхоһута Старостин Николай петрович – Батаҥа Ньукулай аатынан улуустааҕы уһуйаан иитиллээччилэригэр анаан биирдиилээн толорууга күрэх ыытылынна.

Быйылгы күрэх бэйэтин тула улууспут 9 нэһилиэгиттэн 41 кырачаан кыттааччылары муста.

Кылаан бириис - Борисова Оливия, Төҥүлү "Олимпионик" оҕону сайыннарар киин.

5 саастаахтарга:
1️⃣Үрдэл - Васильева Сардаана, "Чуораанчык" уһуйаан, Майа.
2️⃣Үрдэл- Иванов Айсаар, "Сказка" уһуйаан, Аллараа-Бэстээх.
3️⃣Үрдэл- Куприянова Туйаарыма, "Кэнчээри" оҕону сайыннарар киин, Майа.

1️⃣Добун - Дмитриев Айаал , "Сказка" уһуйаан, Аллараа-Бэстээх.
2️⃣Добун - Егомин Арсений "Кэнчээри" оҕону сайыннарар киин, Майа.
3️⃣Добун - Аргунова Амина "Кэнчээри" оҕону сайыннарар киин, Майа.

6 саастаахтарга:
1️⃣Үрдэл- Кудинов Денис, "Ньургуһун" уһуйаан, Матта.
2️⃣Үрдэл- Верховцева Айаана, "Мичил" уһуйаан, Төхтүр.
3️⃣Үрдэл - Иванов Айсен "Кэнчээри" оҕону сайыннарар киин, Майа.

1️⃣Добун- Зыков Кеша "Мичээр" оҕону сайыннарар киин, Павловскай.
2️⃣Добун - Попова Сайнаара "Туллукчаан" оскуола - саад, Догдоно.
3️⃣Добун- Протопопов Владислав А.В. Чугунов аат. оскуола -саад, Мэлдьэхси.

Кыайыылаахтар уонна бары кыттааччылар Старостин Н.П - Батаҥа Ньукулай аймахтарын уонна тэрийээччилэр ааттарыттан бириистэри туттулар. Үүнэр көлүөнэ иитиитигэр, олоҥхону, саха төрүт культуратын иҥэрэр, үөрэтэр уһуйааччыларга, төрөппүттэргэ махталбытын биллэрэбит.
Эһиилги күрэх саҥа ааттары бэлэхтиэ диэн эрэнэбит. Олоҥхону, норуот тылынан уус-уран баайын үүнэр көлүөнэҕэ билиһиннэрии, тарҕатыы, иҥэрии барыбыт сыалбыт буолар.